الخاطرة دي من أكتر الخواطر إللي بحبها؛ أولا لأنها من أول الأشياء اللي كتبتها بعد ما استقريت في اسكندرية.. و ثانيا لأنها -رغم كونها تبان هزار- إلا إنها كانت تجربة حقيقية حصلتلي (هي و تجارب تانية) أول ما جيت اسكندرية... المواقف دي سجلت جزء منها أيامها و الجزء التاني طار للأسف... و دي كانت واحدة من اللي ما طاروش.
--------------------------------------------------------------------------------------------------
--------------------------------------------------------------------------------------------------
أزرق يمشي على الأرض
هو مش أزرق بس... في منه أخضر و فيه منه أحمر في أصفر... و قريب ممكن تلاقي منه فوشيا:), بس انا باتكلم عن الأزق لأن هو اللي بيوصلني البيت.....
على فكرة انا باتكلم عن حاجة اسمها "الترام"
.
.
. الترام (اللي هوالتروماي) دا وسيلة مواصلات عجيبة مش موجود منها غير في الاسكندرية*... اول شهر ليا هنا ماركبتوش خالص- و الحمد لله-, لحد ما جه اليوم الموعود اللي طلعت فيه من الكلية لقيت البتاع الأزرق دا واقف في الطريق و العربيات بتتنطط حواليه, بصيت لصاحبي اللي كان معايا علشان أجس نبضه لقيته بيقول حاجة كدة معناها, "لو مش مستعجل يللا بينا".
.
.ركبنا الترام... حاجة كدة ماتعرفش هي ايه بالضبط... هو من برة شبه المترو, و بيمشي على قضبان سكة حديد زي بتاعة القطر, و ساعات تلاقيه ماشي وسط العربيات مش عارف ازاي, و تلاقيه متوصل بسلوك من فوق زي "التليفريك"**.. اما جوة فتلاقي الناس متكربسة زي ميكروباص الجلاء بتاع المنصورة, و الغريبة إن بعد كل دا مكتوب على التذكرة "أتوبيس"!!!... اما السرعة فهو أسرع شوية من العجلة الـ"بي إم إكس" بتاعة العيال الصغيرة.
.
. طبعا الموقف المثالي اللي لازم يحصل لكل رجالة مصر؛ إنك تروح تركب اول عربية في الترام تلاقي واحد بيقوللك: "دي عربية السيدات يا أستاذ"!! طب طالما هي عربية السيدات سيادتك بتعمل فيها إيه!!! ما علينا يمكن محرم ولا حاجة, رحت انا و صاحبي لتاني عربية و طبعا فضلنا واقفين, و صاحبي فضل يضحك عليا لما سالته:"هي الناس بتدفع ازاي؟" أصلي مش متخيل إن وسط البشر دول ممكن تلاقي حد بيلم التذاكر***, بعد شوية لقيت محصل بيعدي عمال يخبط بالقلم و معاه تذاكر بربع جنيه ( يا بلاش), طبعا صاحبي عزمني يومها- شكرا يا زكريا-, نسيت أقولكم إن كل دا و الترام ماتحركش من مكانه!!... و لما اتحرك كان تجربة تانية؛ قعد يترج بينا ولا اجدع توك توك, دا غير الصوت العالي اللي يحسسك إنك في مصنع نسيج, بس بصراحة شكل اسكندرية من جوة الترام حاجة تانية, بجد تجربة تستحق المخاطرة****.
.
.
. لما تبقى تيجي اسكندرية ماتنساش تجرب "الترام", هو شكله مايتوهش؛ هتلاقيه "أزرق يمشي على الأرض"!!
أحمد ثروت
10/10/2008
___________________________________________________________________________________
الحاجات اللي جنبها نجوم:
* مؤخرا اكتشفت انه موجود في أكتر من مكان, بس مش بالشكل بتاع اسكندرية دا أبدا
** التليفريك: حاجة عمرك ما شفتها في حياتك:)
***حقيقة علمية
:D
**** Don't try it at home:)
على فكرة انا باتكلم عن حاجة اسمها "الترام"
.
.
. الترام (اللي هوالتروماي) دا وسيلة مواصلات عجيبة مش موجود منها غير في الاسكندرية*... اول شهر ليا هنا ماركبتوش خالص- و الحمد لله-, لحد ما جه اليوم الموعود اللي طلعت فيه من الكلية لقيت البتاع الأزرق دا واقف في الطريق و العربيات بتتنطط حواليه, بصيت لصاحبي اللي كان معايا علشان أجس نبضه لقيته بيقول حاجة كدة معناها, "لو مش مستعجل يللا بينا".
.
.ركبنا الترام... حاجة كدة ماتعرفش هي ايه بالضبط... هو من برة شبه المترو, و بيمشي على قضبان سكة حديد زي بتاعة القطر, و ساعات تلاقيه ماشي وسط العربيات مش عارف ازاي, و تلاقيه متوصل بسلوك من فوق زي "التليفريك"**.. اما جوة فتلاقي الناس متكربسة زي ميكروباص الجلاء بتاع المنصورة, و الغريبة إن بعد كل دا مكتوب على التذكرة "أتوبيس"!!!... اما السرعة فهو أسرع شوية من العجلة الـ"بي إم إكس" بتاعة العيال الصغيرة.
.
. طبعا الموقف المثالي اللي لازم يحصل لكل رجالة مصر؛ إنك تروح تركب اول عربية في الترام تلاقي واحد بيقوللك: "دي عربية السيدات يا أستاذ"!! طب طالما هي عربية السيدات سيادتك بتعمل فيها إيه!!! ما علينا يمكن محرم ولا حاجة, رحت انا و صاحبي لتاني عربية و طبعا فضلنا واقفين, و صاحبي فضل يضحك عليا لما سالته:"هي الناس بتدفع ازاي؟" أصلي مش متخيل إن وسط البشر دول ممكن تلاقي حد بيلم التذاكر***, بعد شوية لقيت محصل بيعدي عمال يخبط بالقلم و معاه تذاكر بربع جنيه ( يا بلاش), طبعا صاحبي عزمني يومها- شكرا يا زكريا-, نسيت أقولكم إن كل دا و الترام ماتحركش من مكانه!!... و لما اتحرك كان تجربة تانية؛ قعد يترج بينا ولا اجدع توك توك, دا غير الصوت العالي اللي يحسسك إنك في مصنع نسيج, بس بصراحة شكل اسكندرية من جوة الترام حاجة تانية, بجد تجربة تستحق المخاطرة****.
.
.
. لما تبقى تيجي اسكندرية ماتنساش تجرب "الترام", هو شكله مايتوهش؛ هتلاقيه "أزرق يمشي على الأرض"!!
أحمد ثروت
10/10/2008
___________________________________________________________________________________
الحاجات اللي جنبها نجوم:
* مؤخرا اكتشفت انه موجود في أكتر من مكان, بس مش بالشكل بتاع اسكندرية دا أبدا
** التليفريك: حاجة عمرك ما شفتها في حياتك:)
***حقيقة علمية
:D
**** Don't try it at home:)
