مقدمة:
كانت من أوائل المرات اللي أطرقع فيها و امسك ورقة و قلم... سبقتها محاولات أخرى لكن دي بالذات علقت معايا قوي... يمكن لأني كنت بذاكر و فجأة قلبت الصفحة و كتبتها... يمكن لأني كنت باطلع غلّي فيها.... أو يمكن كانت أول مرة أكتب حاجة و تطلع زي ما أنا عاوزها بالضبط.
الزمان: قبل امتحانات تالتة ثانوي بشهر بالضبط (في عز شدة الأعصاب)... بالليل شويتين
المكان: على مكتبي... براجع المراجعات النهائية.
الظروف: كنت هامووووت و أخلص ثانوية عامة
النص (زي ما كتبته ساعتها من غير تعديل... و الكلام اللي مش واضح هاوضحه بين القوسين):
خلاص فاضل شهر** و تزول حياة القهر
و اعيش في دنيا واسعة** من غير عتاب ولا نهر
و اتجوز بنت حلوة** و مادفعش فيها مهر
خلاص يا ناس سيبوني** مسانوية (= م الثانوية) ارحموني
دانتوا لو تاخدوا عيوني** خدوها و ابقى حر
و لو في يوم قالولي** القراية دهب و لولي
محلاه سندوتش فولي** أصل انا غاوي فقر
مش حاكتب (=هاكتب) باراجراف** ولا حارسم (=هارسم) يوم جراف
ولا حتى سؤالين خفاف** ولا حتى حرف جر
مش حافتح الأحياء** و الفيزيا و الإحصاء
اكفينا شر البلاء** عاوزين نرسى على بر
*******
يابني ماتبقاش زهقان** ولا تحس انك تعبان
بكرة تقول على الأيام ديه** ياريت يعود الزمان
فيه غيرك كتير شبان** كان للجامعة عطشان
دور عليه تلاقيه** في الهم ماشي سرحان
يا إبني عيش سنك** و اعمل المطلوب منك
و حطها حلقة في ودنك** إن الإنسان إنسان
إن الإنسان إنسان
إن الإنسان إنسان
و اعيش في دنيا واسعة** من غير عتاب ولا نهر
و اتجوز بنت حلوة** و مادفعش فيها مهر
خلاص يا ناس سيبوني** مسانوية (= م الثانوية) ارحموني
دانتوا لو تاخدوا عيوني** خدوها و ابقى حر
و لو في يوم قالولي** القراية دهب و لولي
محلاه سندوتش فولي** أصل انا غاوي فقر
مش حاكتب (=هاكتب) باراجراف** ولا حارسم (=هارسم) يوم جراف
ولا حتى سؤالين خفاف** ولا حتى حرف جر
مش حافتح الأحياء** و الفيزيا و الإحصاء
اكفينا شر البلاء** عاوزين نرسى على بر
*******
يابني ماتبقاش زهقان** ولا تحس انك تعبان
بكرة تقول على الأيام ديه** ياريت يعود الزمان
فيه غيرك كتير شبان** كان للجامعة عطشان
دور عليه تلاقيه** في الهم ماشي سرحان
يا إبني عيش سنك** و اعمل المطلوب منك
و حطها حلقة في ودنك** إن الإنسان إنسان
إن الإنسان إنسان
إن الإنسان إنسان
تمت
أحمد ثروت
2006
ليست هناك تعليقات:
إرسال تعليق